Masalah Orang Kumpeh

Apolah hasel ee idup tengah dusun macam koo , lah sinyal hp sak esoh, jalan lekok lembingan , lah banyak lubang ee tambah leak kalu hari ujan hah kini lah datang banjir pulo tambah saroh tambah ibo raso ati.

Ndak lah pendah ke kota mun dak tek lokak’an sampe ke sano.

Dak dayo pulak rasoe nyusahi orang jadilah susah di diri dewek.

Sebunyi ngeluh hedak apo merutuk koo ..

Ngeluntang lantung

Ndak ke taman rimbo jaoh, ndak belanjo ke matohari ke ramayana jaoh

Pesawat dak tukang mendarat

Kapal pesiar masuk batanghari sanggat

Lekoo lah beperahu kulu keler.

Tapi untung lah idup di tengah dusun koo adat istiadat ee maseh kuat .,

Budak bujang gades ee maseh menghargoi orang tuo tapi ado jugo budak bujang gades yang leko ke kota-kota’an tuh gerak pulak atii nenggok ee,.

Saminggu duo minggu ke jambi balek ee lah bcakap lah bgaya macam orang kota. Macam lah idup diok di kota tuh paleng senang , jadi anak gubernur tapo mangko serupo tuh perangai e.

Jalan yang leak ledok dari kumpeh  ulu sampe ke kumpeh ilir koo tolong lah di jilat ii biak mengkilat.

Kalu jalan ee macam koo terus takot lah ado yang jatoh teterumus kelagi koo, sasio

Beberapo minggu yang lalu koo hah awak tuh ado lah kondangan ke daerah kumpeh ilir dusun pulmen. Jalan ee Allahu ee macam jalan ke kebon.

Yang dari rumah bebedak tebal bebaju rapi baselop tinggi ,

Dalam perjalanan leseh

Bedak poteh jadi kuning

Baju rapi macam sambal

Bibir balu gigi itam, ndak debu ndak leak ledok ,, segalo ado penemuan.

Tapi untung lah dari rumah awak lah menyediakan alat make-up dari rumah.

Jadi singgah lah sebentar di bawah pohon yang rimbun untuk bebedak kelak elokan

Baru melanjut kan pejalanan lagi eh lah tatumal kotor pulak matan saroh e nian lah.

Apo yang ndak kito lestari kan ko kanti kanti,.

Jangan ndak ngeleng kepalak gegalo nenggok keadaan,

Payoh besamosamo kito jago be apo yang sudah ado kinitu jangan ndak di tambah tambah kan lagi

Apo lagi ado koo yang nyari kesempatan dalam kesempitan

Jalan lah balubang

Datang lah segerompolan pahlawan jalanan yang nembon tanah seolah olah memperbaiki keadaan

Dengan bemodalkan cangkul dan kotak sekok.

Ntah hapo hapo orang koo di kato kan nimbun tanah tapi malah tambah leak ledok ,.

Apo yang di cangkul ee nambah lokak be yang iyo e ngarap kotak tadi penuh.

Ngapolah semacam itu yoh .

Jangan serupo tuh payoh sesamo kito jago jalan kumpeh koo.

Kalu masalah sinyal galak nian lah ngerak ii atii apo lagi di dusun awakkoo dak ado tower.

Pengen lah vidio call nonton youtobe dll.

Nelpon be tenggelam timbul dak lancar nian komunikasi ee .

Hasek lah di nyari sinyal kalu telponan habis lah nyari sinyal pulsa leseh hari pun dalu lopot lah telponan.

Ikoo keluhan dari pembaco blog sayo yang bernamo “eko” budak “mekarsary” maseh sekolah lagi di “smk 5” tapi tahun koo ndak tamat lah,.

Sempat diok curhat tentang sinyal dengan jalan koo hah

Baru sempat awak bahas e semoga dio baco karno awak lah kehilangan kontak diok.

Diok pun dak ado lagi muncul untuk ngirim kan e-mail eee.

Sekian dulu dari sayo terimokaseh lah yoh sudah membaco maaf kalu membosan kan . yang ndak ngeluh yang ndak beroyat dengan kulo koo jangan bepikir panjang langsung be,. Dak pulak jahat awak koo orang e.