Kayo sejenak di musim duku

Haiii halloooo
Cerito musim duku yg membuat orang kumpeh kayo sejenak..
Lah lewat musim duku lah datang pulak musim duku walaupun di desa lain.
Walau duku tahun 2018 ni dak merato buah e cuman dikit itu pun ado batang e yang dak bebuah..
Tapi Alhamdulillah suntikan dana nye lancar mengalir deras
Survei membuktikan sepanjang musim duku koo banyak dapat hal-hal yang baru . Apo yang di maksud kan hal baru tu ko hah diok e.
Motor
Hp
Pacar
Banyak nian lah jok yang ngambek motor baru di dusun tu sepanjang musim duku ..
Dak jauh-jauh tetanggo awak tu beli FU kontan pulak tu
Sudah tu banyak beli hp baru temasuk lah awak ko. Alhamdulillah
Banyak jugo dapat cewek baru.
Mungkin karno tahu musim duku jadi cewek tu banyak yang ndak dengan bujang kumpeh
Kalu boleh bepikir jahat biak dapat duku geratis atau pun percikan duit duku he
Sudah tu yoh kalu lah musim duku orang kota tu pado ke kumpeh galo jok
Bawak rombongan sampe masuk ke dusun ni awak dak tau lagi orang e siapo pun yang masuk banyak lah yang dak kenal e.
Ado keno cinlok lah pas nyutir duku tu
Tapi tahun ni awak dak do e ke kebon nenggok orang ngondoh duku yoh kareno tugas awak cuman ngurus rumah dan keduo nyai.
Dak papo lah di rumah bae yang penting lancar percikan haha
Tapi kini tu musim duku lah ndak berlalu semoga be motor yang tebeli tadi dak di jual dan hp yang barubaru koo dak tegadekan dan cewek baru yang dapat di musim duku tu dak ilang di telan bumi.
Semoga kito di temukan dengan musim duku selanjut eee yo jok. (Iyo jok)