Masa kecik awak jok

Laillah hail katopek
Kundur di belah labu di kocek

Yang ingat dan tahu lirik lagu tuh berarti umur e lah tuo :D lah sinjo tinggal  nungguh giliran be lagi ( hahha beguroh be jok jangan baper )
Yuuppzz..... benar banget... tuh lagi jadi lagu andalan mak (mami) awak untuk pnghantar supayah awak tidur dalam buenan. Buenan kain yang dalam e isi bantal dgn kain . Tali e tali untuk orang ngulur duku tuh hah. Pake parlap dikit dalam buen tuh soal e awak dulu galak khilaf ngompol :D hihi kan maseh kecik dak usah lah ndak ngejek kalian pernah jugo .. ado pulak yang kalu lagi semoan tuh sambil minum es beleleran be tasedot tasedot be ( uwekk uwekkk ) jangan soksok'n jorok kalian ngalami jugo .. awak ngakui lah ...
Cocok lah iduuungggg
Mato beraeekkkkk
Tuh lanjutan dari lirik lagu tadi pas mak (mami)  awak nyanyi kan lagu tuh.
Awak tes lah nyucuk idung kolok e beraek nian lah mato ko tadi berarti lagu koo dak nyombong dak ...
Waktu kecik awak alhamdullilah idak kehilangan masa kecik awak galoe berjalan sesuai umur alias pertahap.
Tapi dulu tuh sebelum sekolah awak lebih banyak ngabes kan waktu di kebon.
Maklum anak petani :D
Kalu mak (mami) mah (papi) lagi begawe awak naguh lah bawah pondok main buah peci dengan almh adek awak. 
Ehemmm.. iyo dulu awak punyo adek cwek (lucy paramita) namoe tapi sekitar 12 tahun yang lalu diok meninggal kan kami sekeluargo . Sakit bara sesep kato org dusun tuh keno angin duduk jugo.
Waktu tuh awak sangat sedih walaupun galak bejail dgn diok t berebut tepek dgn buah peci tapi awak tetep sayang (jadi meloowww jok)
Hmmm.... bcakap tentang pemainan budak kecik nyambung cerito kemaren yang sempat tertunda gergara awak ndak mandi kareno dak telap nyium mambu badan dewek. Haha
Awak sarintu hobby main boneka bonekaan kalu budak kinitu enak boneka e beneran barrbie tuh yang di pake i baju rambut kuning biso becakap dewek.
Awak sarintu dak.
Mak (mami ) awak muat kan boneka dari telutuk pisang.. dak ketek baju pulak tuh tapi awak tuh be lah senang main kan e. Galak telutuk pisang t bebuat macam kaki kudo  kalu di dorong kan bebunyi lah "tok kotok kotok" senang lah ati awak nganing e. Muat mobilan e dari kembang tiga roda. . Galak tuh main buah peci pake buah geta tuh hah... muat motor aek dari telutuk pisang dgn kulit jantung pokok e banyak manfaat e telutuk pisang tuh..
Yang paling awak senangi naik opeh.. opeh yang jatoh dari batang pinang tuh hah.
Naik lah sarintu awak atas opeh dari tanah tumbuh tinggi sudah tuh mak (mami) awak narik e ke bawah belasor... .. 
Mah (papi) hobby muat kan buenan di ikat di batang manggo dekat kebon tuh. Biak awak beta di kebon.
Bintat bintat lah badan geget nyamuk.. ..
Kaki kalu bedarah geget pacat sempali kapok be kato mak (mami)
Masa kecik awak tuh sulit jok tapi awak bahagia awak dekat dgn mak(mami) mah (papi) kareno awak ngentel lah nurut buntuk beduo tuh.
Galak kalu ado mensi doho ke masjid makan besamo di masjid yang orang tuo cowok e be tapi .
Awak milu lah waktu kecik tuh mawak kan cerek/tekoh e pake asoi kecik.
Sampe masjid karno lamo nganing orang ceramah awak pun tetidur .
Pas org masuk waktu makan awak dak telap di bangun kan.. pas lah sdh awak baru lah bangun.
Waktuu awak senang nian pas tebangun.. baru ndak ngambek rengkat makan kolok ee orang lah balek...
Dak jadi awak makan :(
Awak pun balek dgn membawak kekecewaan ..
Perut lapar mato maseh kantuk pas buka tudung saji di rumah lauk tinggal bumbu e be lagi. Kato mak (mami) awak lah makan di masjid padahal belum. Akhir e awak lanjutkan untuk tidur.
Awal awal awak masuk sekolah .. rasoe asing nian..
Sebulan lah awak sarintu ba antar sekolah e buat mah (papi) betungguhi dalam kelas. Kalu dak macam tuh awak nyengger nangis keno jaili kanti.
Awak  sarintu mawak doet jajan cuman rp.500 tuh be banyak dapat e kalu beli geguloan rp.100 tuh dpat lah sekok. Awak hobby beli mie remas yang gambar budak kepalak gundul make kaco mato tu hah jok.
Meli es sirup.. meli nasi gemuk pake kacang tanah tuh hah.
Ehh payah lah ndak nyerito kan ee kalu di bayangkan tuh galak ngulingnguling dewek ingat e.
Balik sekolah kadang awak maseh ke kebon bedukung tinggi nan di mah (papi) awak saking tinggi e pernah tasaor batang duku maseh bebakat sampe kinitu bekas e.
Sampe ke kebon macam gawe lamo lah main bawah pondok nungkut api sambil megang boneka telutuk pisang sambil becakap dewek'n. :D maklum tek kawan main.
Waktu mak awak begawe padang kebon dapat lah diok belalang ruso. Biaso e diok langsung bakar dan soroh awak makan e. Enak nian... 
Kalu dak di cicip kampunan. Awak paling hobby bagian telor e. Walaupun kecik tapi dak bikin kenyang (iyolah dak kenyang ado besak kelingking)
Ngomong ngomong tentang belalang ruso ado dongeng ee.. mak (mami ) sering nian bdongeng dulu sampe nangis awak nganing ee. .. 
Dongeng turun temurun tuh dak tau jugo dari mano asal e. Tp awak sebagai budak kecik waktu tuh suko terbawak suasana ...
Mulai kito bedongeng kalu persi mak (mami ) awak macam ko dongeng e

"Dongeng Belalang Ruso"
Ciptaan: orang bengen


Waktu tuh adolah budak kecik duo beradik betino galo e.. mak e tuh lagi begawe di kebon.. .. 
Dapat lah belalang ruso bagi kan lah ke anak e..
"Kagi tinggal kan mak pek" kato mak e.
Di panggang kan lah ke api buat anak e tadi.. besak lah belalang rusoe sebesak ayam jagok tuh hah...
Namun adek e yang kecik koo tadi ndak minta terus. Di bagi e lah buat ayuk ee. Sudah tu mintak lagi.. 
"Minta awak yuk" kato adek e
"Jadilah dek tinggal kan mak" 
Tapi adx ee koo tadi nangis lah ngengahonggak ..
Bagi kan lah buat ayuk ee koh tadi.
Pas mak e sudah begawe koo tadi naek lah atas pondok..
Betanyo "pik mano ninggal kan mak belalang ruso koo tadi"
"Nduk mak e dak ketek lagi adek koo hah ndak terus makan e"
"Endok pek ee kampunan lah mak koo kagi"
Sudah t mak e tadi magi kan kain itam ke anak ee...
"Pegi lah pik ke sungeh basoh kain koo sampe putih"
"Macam mano mak biak putih"
Akhir e anak e tadi pegi lah ke sungeh nyuci kain. Lamo lah di aek tuh ngecak ngecak ee dak do jugo lom putih kain tadi. Karno hari lah ndak malam naek lah diok ke tadi ke pondok. Sekali tenggok mak e koo tadi dak ketek..  ninggal kan aek susu bebungkus daun pisang di dekat buenan adek e tadi.
Adek ee koo ngengkeng nangis..
"Oh mak mak " di seruh seruh e mak e koo tadi dak ado mak e bebunyi.
"Nduk ee kampunan belalang rusoh tapo mak awak ko tadi"
Beluras lah belari diok koo tadi sambil ngendong adek ee nyari mak e ...
Meresuk meresuk padang utan dak ado betemu-betemu.
Ado lah suaro benyanyi suaro mak e..
"Batu belah batu betanggok , telan aku sesenan lotot" ( caraup) telan e sesen lotot mak e koo tadi buat bumi.
"Jangan mak" terus budak duo beradik koo tadi nyari mak e.
Nyanyi pulak mak e sambil merajuk
"Batu belaaah batu beetanggok, telan aku sesenan sekot" (caraup) telan e pulak sesen sekot.
Makin menjadi nangis e anak e koo tadi.
"Balek lah mak e adek koo nangis ndak mak "
Belari lari nyari mak e koo tadi  tatombor tatombor nyari e..
Lah pulak mak e koo tadi bnyanyi
"Batu belaa batu beetanggok , telan aku sesenan dagok"(caraup) telan pulak sesen dagok akhir e lamo lamo sampe ke kepalak.. pas sampe ke kepalak telan bumi koo tadi anak e nyambar dapat lah narik rambut cuman. . Mak e pun ilang telan bumi... balek lah budak duo beradik ko tadi ke pondok. Tanam lah rambut mak e koo tadi belakang pondok.. hari pun malam tetidur lah budak beduo beradik koo tadi di pondok .. pas tebangun sekali tenggok ado labu besak sekom belakang pondok e koo tadi.
"Dimano datange labu koo" kato si supik ...
Ado bunyi suaro ngato kan bela lah labu tuh pik jangan pake parang tapi pake semilu boloh be.. ambek lah supik koo tadi semilu boloh belah lah labu tadi lak lambat..
Pas di belah kolok ee muncul lah mak e koo tadi.. .. 
Endok e senang nian ati budak duo beradik tuh langsung lah di peluk ee mak e koo tadi.. semejak tuh anak e kalu dapat belalang rusoh ndak magi mak e tros. Karno diok lah betemu pulak dgn mak e .. akhir e balek lah diok ke dusun . 
Selesai....... ..
Kanti kanti gergara dongeng tuh awak sempat trauma .. kalu awak ngocek labu awak takut lah kagi keluar mak (mami) awak :D
Bdongeng tuh memang gawe org bengen entah dari mano dongeng tuh asal muasal yang jelas turun tumurun..
Kalu dongeng budak kini lain paling dongeng ee yang kren kren mano ado lah di dongeng ee ado batu belah batu betanggok.

Hahaaha ikoo foto awak sekitar umur 4tahun foto ko di ambek dirumah nyai awak yang kini lah roboh dan tinggal tiang e be lagi yang motoi koo mah (papi) makek sustel maklum sarintu belom ado kamera 360 dgn b612 . Haha

Seram edak foto e ado pulak ta ngangak be... ikoo awak bagi namo gaya foto goyang dumang jadi sebelum lagu e keluar awak lah dulu goyang dumang :D

Tenggok celano awak tuh jok.

Namo e celano asarehe..

Celano paling terkenal di era e awak bangga nan jok make celano tuh dak pake lepas lagi.

Haha...

ado lagu e celano tu joget e ado jugo ..

"Asarehe ha rehe .. rehe batu rehe nanaana"

:D udah ah nulis blog e kagi tambah ngecahacau... 

Kali koo awak pamit bukan untuk mandi macam sore tuh tapi awak ndak tidur ngedangi tai mato :D kagi mudahan pas bangun lah magrib jadi langsung bebuko.. jangan be pas bangun lah subuh malah makan sahur... ..

Kanti kanti jangan be "yang yang yok.. siang siang bukak pereok" haha

Lain budak kecik puaso burung bebuko tenggah hari.

Kato mak (mami ) awak kalu muka puaso belum wayah ee.. keno kutuk..

Kepalak besak kemiri.. perut besak gunung.

Nduk eder bentuk ee. :D

Yaudah lah malah keterusan awak ngoceh ee maaf yoh awak emang dak biso di rem kalu becakap dak pake tunak...

Semoga terhibur yoh.. ..

Lagu terakhir kelanjutan lagu penghantar tidur.. soal e awak ndak tidur lah ko...

" Nandong di nandoooonggg.... nandong lah di nandooooong........."